Картошка куяси - (Phthorimaea opercylella zell)
Umumiy ta'rif
Картошка куяси – етук зоти майда, куя капалакларга хос кулранг хашоратдир. Зараркунанда 5- ёш қурт ёки ғумбак шаклида қишлайди. Фақатгина ўра ва падвалларда ҳарорат 10 градусдан илиқ бўлган шароитдагина қишлаб чиқади. Капалаклари май охирида чиқиб, октябрь ойигача учиб юради. У эрталаб ва кечқурун қуёш ботгандан сўнг учади. Капалаклар тухумини асосан картошка поясининг паст қисмига, ҳамда шу ердаги кесаклар орасига, очилиб қолган картошканинг устига (кўзчаларига) 1 донадан - 20 тагача қўяди. Ҳар бир зот капалак 150 тадан - 300 тагача тухум қўяди. Тухумдан чиққан қурт дастлаб ўсимлик баргини ва кейин новдаларини ейди. Қурт картошка, помидор ва бақлажоннинг мевалари, пояси ва баргларини зарарлайди. Мавсум мобайнида 5-6 авлод бериб, қишлаш даврида яна 4-5 авлод бериши мумкин. Жами 9-11 марта авлод беради.
Agrotexnik qarshi kurashish chorasi
a) Итузумдошлилар оиласига мансуб бўлмаган экинлар билан алмашлаб экиш; b) Экиндан бўшаган ерларга механик ишлов бериш (чуқур ҳайдаш); c) Зарарланган ўсимлик қолдиқларини ҳамда зарарланган картошка туганакларни даладан чиқариб йўқ қилиш.
Biologik qarshi kurashish chorasi
ma'lumot mavjud emas.
Kimyoviy qarshi kurashish chorasi
Таркибида Абамектин асосли “Авс Super” 50 г/кг с.д.г 0,14 кг/га, Лямбдацигалотрин + тиаметоксам асосли “Лямиксам”, 24,7% сус.к. 0,2-0,25 л/га, Ацетамиприд асосли “Моспилдэть” 20% с.э.кук. 0,02-0,025 кг/га, Имидаклоприд асосли “Имидашанс”, с.э.к 0,1 л/га, Имидаклоприд + альфа-циперметрин асосли “Эсперо”, сус.к 0,1 л/га ўсимликнинг ўсув даврида пуркалади.