Ловия донхўри (Acanthoscelides obtectus)
Umumiy ta'rif
Ловия донхўри Acanthoscelides туркумининг донхўрлар оиласига мансуб ҳашаротдир. Кенг тарқалган бўлиб дуккакли экинларга дала ва омборхона шароитида зарар етказади. Тухумини дуккакли экинларни гул ва ҳосил нишоналарига қўяди. Тухумдан чиққан личинкалар мева ичига тешиб кириб узоқ вақт озиқланади. Личинкаси сарғиш тусда оёқсиз бўлади, катталиги 5-6 мм га етади. Кузга яқин дуккаклиларнинг дони ичида ғумбакка айланади. Ловия донхўри личинка ёки ғумбак босқичида қишлайди. Баҳорда ҳаво ҳарорати ўртача 20 С градусга етганида қишловдан чиқади. Етук зотлари гул нектари билан қўшимча озиқланади ва жуфтлашади. Кейин урғочилари шакллана бошлаган дуккак меваларнинг ташқи томонига тухум қўя бошлайди.
Agrotexnik qarshi kurashish chorasi
Ҳосилни мумкин қадар тўкмасдан йиғиб олиш зарур. Ўсимликнинг поя ва қолдиқларидан далани тўлиқ тозалаш керак. Бундай экиндан бўшаган ерни чуқур ва сифатли шудгорлаш ва алмашлаб экишга риоя қилиш зарур. Кетма-кет бир неча йил мобайнида дуккакли экинларни бир ерда экиб ўстириш зараркунандани кўпайишига сабаб бўлади.
Biologik qarshi kurashish chorasi
ma'lumot mavjud emas.
Kimyoviy qarshi kurashish chorasi
Дала шароитида зараркунандага қарши тавсия этилган инсектицидлар билан ишлов берилади. Омборхоналарда маҳсулотни сақлаш даврида зараркунанда 10 метр квадратда 3-5 дона зараркунанда аниқланганида фосфин асосли фумигантлар билан фимигация қилинади.